Një traget i Barcelonës me rreth 300 pasagjerë në bord shpërtheu në flakë pranë brigjeve të Indonezisë. Pesë persona humbën jetën, ndërsa 284 të tjerët u arrit që të shpëtoheshin. Pamjet e publikuara në rrjetet sociale tregonin tragetin e mbuluar nga tymi e flakët, ndërsa pasagjerët u panë duke u hedhur në ujë me jelekë shpëtimi për t’iu shpëtuar flakëve. Marina Indoneziane, Agjencia e Sigurisë Detare dhe ekipet lokale të kërkim-shpëtimit iu erdhën në ndihmë qindra pasagjerëve, duke i nxjerrë nga deti. Sipas zyrtarëve në Indonezi, në operacionin e shpëtimit u përfshinë tre anije luftarake, duke shpëtuar 284 persona, përfshirë pasagjerë dhe anëtarë të ekuipazhit. Sipas medieve ndërkombëtare, mes viktimave ishte dhe një grua shtatzënë, ndërsa numri i tyre mendohet të jetë më i madh, pasi shumë persona rezultojnë të zhdukur. Operacioni i kërkim-shpëtimit vijon, ndërsa nuk dihen ende shkaqet e zjarrit.