Pesë këlyshë binjakë tigrash siberianë të lindur në 27 qershor të këtij viti u shfaqën sot për herë të parë për publikun në një kopsht zoologjik në Korenë e Jugut. Zyrtarët shprehën gezimin e tyre që të gjithë pesë-njakët arritën të mbijetojnë të shëndetshëm falë kujdesit të stafit të kopshtit. Tigrat siberianë, të njohur gjithashtu si 'Tigra Koreanë’ në Korenë e Jugut, janë specie e rrezikuar dhe mbrohen nga autoritetet vendase. Një prej kujdestarëve në kopshtin Everland në qytetin Yongin tha se është shumë e rrallë që pesë tigra të lindin njëherësh. Zyrtarët thanë se i kanë quajtur ata me emrin tematik të zgjedhur nga sugjerimet online, 'Areum', 'Daun', 'Ori', 'Nara' e 'Gangsan' Të lexuara së bashku në gjuhën koreane, emrat e këlyshëve kanë kuptimin “panorama e mrekullueshme e vendit tonë”.