Maldivet janë një destinacion spektakolar pushimesh, por distanca dhe cmimet e larta I bëjnë të papërballueshme për pushuesit nga europa. Por britanikja “The Mirror” thotë se për europianet ka një zgjidhje shumë më afër shtëpisë dhe me kosto më të përballueshme, duke sugjeruar pikërisht Shqipërinë, si Maldivet e Europës. Në artikullin e gazetës britanike citohen ekspertë të platformës ‘Booking’ të cilët thonë se prej dy vitesh turistët po zgjedhin plazhet e shkëlqyera të shqipërisë për një qëndrim të jashtëzakonshëm buzë detit në vendin ballkanik. Sipas ekspertëve të booking, 50 % e pushuesve duan të udhëtojnë në një destinacion ku kostoja e jetesës është më e ulët se vendi i tyre, dhe zgjedhja perfekte për këtë është shqipëria. “E vendosur midis Malit të Zi dhe Greqisë, xhevahiri i Ballkanit, Shqipëria është kthyer në trend për vitin 2024 për shkak të ujërave të kristalta, maleve mbresëlënëse dhe cmimeve të favorshme. “- thuhet në artikull. Sipas gazetës britanike, Shqiperia u ofron vizitorëve Maldivet në Europë, një opsion i mirëpritur nga 43% e udhëtarëve britanikë që kërkojnë pushime mbresëlënëse me kosto të ulëta.