Dhjetra njerëz ishin mbledhur sot në zyrën e rihapur të pasaportave në Kabul me shpresën për të marrë dokumente udhëtimi. Një zyrtar taliban tha se turmat nuk do të shkaktojnë efekte "negative" për procesin e punës. Ai shtoi se gratë janë rikthyer në vendet e punës, por në zyra të ndara nga burrat. Drejtori i zyrës Alam Gul Haqqani, tha: "Të gjithë punonjësit e drejtorisë së pasaportave, pa dallim gjinie, janë rikthyer në punë. Kemi krijuar zyra të veçanta për punonjësit meshkuj dhe ato femra”. "Njerëzit e shumtë që vërshojnë për të marrë pasaporta nuk do të krijojnë efekte negative. Ka njerëz që kanë pritur për një muaj ose më shumë, ata kanë probleme, duhet të udhëtojnë jashtë shtetit për trajtime shëndetësore”.