Ish-presidenti Donald Trump ka reflektuar pasi i mbijetoi atentatit, duke thënë në një intervistë me New York Post: “Do isha i vdekur tashmë”. Trump i tregoi gazetarit një mavijosje të madhe në parakrahun e tij të djathtë, të cilën ai tha se e mori kur agjentët nxituan në skenë për ta mbrojtur. “Unë nuk supozohet të jem këtu, supozohet të kem vdekur. Për fat ose për Zotin, shumë njerëz thonë se falë Zotit jam ende këtu”, tha Trump. Ish-presidenti amerikan komentoi foton e tij duke ngritur grushtin dhe duke thënë “Luftoni!” pasi u gjakos në fytyrë. “Shumë njerëz thonë se kjo është fotografia më ikonike që kanë parë ndonjëherë. Ata kanë të drejtë dhe unë nuk vdiqa. Zakonisht duhet të vdesësh për të pasur një foto ikonike”, tha Trump. Ndwr tw tjera ai zbuloi se donte të vazhdonte të fliste pas të shtënave, por Shërbimi Sekret këmbënguli që ai të shkonte në spital. Trump tha gjithashtu se e vlerësonte thirrjen që mori nga presidenti Joe Biden, sipas Post. Gazeta raportoi se Trump sugjeroi që fushata mes tyre mund të ishte më civile që tani e tutje.