Një sulm me eksplozivë ndaj një kamioni të policisë la lënë sot 13 oficerë të plagosur në qytetin Cali, tha presidenti kolumbian Iván Duque. Kontigjenti i policëve anti-protesta ishte duke u mobilizuar në qytetin jugperëndimor, tha presidenti. "Ne dënojmë këtë sulm dinak terrorist ndaj skuadrës anti-trazira të policisë, ku u plagosën 13 oficerë, 3 prej të cilëve më rëndë”, shtoi lideri. Presidenti nuk dha detaje për autorët e mundshëm por sekretari i sigurisë Jimmy Dranguet, tha për rrjetin AFP se akti ishte kryer me eksplozivë. Kryebashkiaku lokal Jorge Iván Ospina, shpërndau një foto në rrjetet sociale ku shihej kamioni i dëmtuar nga shpërthimi. Qyteti Cali ka 2.2 milionë banorë dhe është i treti më i madh në Kolumbi. Kolumbia është një nga kultivuesit më të mëdhenj të kokainës në botë dhe një korridor strategjik i trafikut drejt Amerikës veriore.