Jens Stoltenberg largohet nga posti i sekretarit të përgjithshëm të NATO-s pikërisht në kohën kur tensionet në Europë i afrohen pikës së vlimit me kërcënimin e pushtimit të Ukrainës nga Rusia. Ai do të jetë shefi i ri i Bankës Qendrore të Norvegjisë, pavarësisht shqetësimeve të opozitës vendase se emërimi i ish-kryeministrit mund të dobësojë pavarësinë e këtij institucioni. Stoltenberg sidoqoftë e bëri të qartë se do ta përfundojë mandatin e tij në krye të aleancës më të madhe ushtarake të globit, i cili mbaron shtatorin e këtij viti. Detyra e re e bën atë përgjegjës për përcaktimin e normave të interesit dhe menaxhimin e stabilitetit financiar, si dhe mbikëqyrjen e fondit të pasurisë sovrane të Norvegjisë, më i madhi në botë me asete prej 1.4 trilion dollarësh. Kjo nuk do të ishte dicka e vështirë për kreun e NATO-s, i cili në fakt, me profesion është economist. Përpara se të marrë postin që e bëri të njohur në mbarë botën, Stoltenberg ka qenë kryeministër i Norvegjisë, e përpara kësaj, ka shërbyer si si ministër i Financave dhe ministër i Energjisë.