40 vjeçari Saraniu Kaniamai, dhe kolegu i tij Adisak ishin duke zhvendosur skulpturën ngjyrëfloriri të Budës në Tajlandë, por ajo papritur u përmbys duke i zënë poshtë vetes. Policia e qytezës Muang Si Sa Ket tha se oficerët dhe mjekë të emergjencës kishin shkuar shpejt në vendngjarje, aty ku gjetën të vdekur punonjësin Saraniu Kaniamai, ndërsa të plagosur e me këmbë të coptuara, kolegun e tij. Murgu i tempullit tha se statuja e Budës ishte sjellë për “fat të mirë” për të devotshmit që luten aty. Por tempulli duket se nuk e ruan dot “fatin e mirë” pasi edhe disa vite më parë një punonjës ndërtimi që bënte riparime në lartësi në tempull u rrëzua nga skela dhe humbi jetën. Kreu i policisë Apisit Supho tha: “Të dy burrat po lëviznin statujën e rëndë në përgatitje të një ceremonie mbretërore kremtimi. Vendasit thane po ashtu se dy punëtorët po punonin prej mëngjesit. Fakti që në tempull nuk kishte shumë punëtorë mund të ketë kontribuar në aksidentin tragjik. Pamjet: AFP