E gjendur në një pozicion të vështirë, ministria maqedonase e shëndetësisë nënvizoi se spitali apo institucionet shëndetësore nuk kanë faj ose përgjegjësi për gabimin me kufomën ne Vrapcishtë, ku një familjeje priste arkivolin me trupin e nënës së vdekur nga Covid, por brenda arkëmortit gjeti kufomën e një burri të panjohur. Ministria theksoi se përgjegjësinë për këtë situatë e kanë agjensitë funerale. “Të gjitha spitalet dhe qendrat Covid i plotësojnë plotësisht protokollet me trupat e pajetë në kushtet spitalore, por trupat i dorëzohen agjensive që kujdesen për shërbimet e varrimit”, thuhet në deklaratë. Po në Maqedoninë e veriut ndodhi disa muaj më parë një rast i pazakontë. Në spitalin e Strumicës u vodh kufoma e një 49 vjecari që ndërroi jetë nga koronavirusi. Rreth 20 persona e morën trupin së bashku me shtratin e spitalit, e vendosën në furgon e u larguan bashkë me të.