Një vrasje brutale ka ndodhur në Ampelokipi të Athinës. Sipas informacioneve paraprake, një burrë me origjinë shqiptare ka vrarë gruan e tij të enjten e kaluar dhe pasditen e sotme ka lajmëruar policinë. Ai ka deklaruar para policisë se e ka vrarë gruan e tij me çekiç dhe e ka mbajtur trupin e pajetë në papafingo prej një jave. Kur në vendgjarje ka mbërritur grupi hetimor, kanë konstatuar erë të keqe dhe në papafingo gjetën trupin të mbuluar me çanta të zezë. Bashkëshorti i ka thënë policisë se e ka vrarë me çekiç dhe me duar për shkaqe xhelozie teksa fëmijët ishin në shkollë. Gjatë kohës që trupi i pajetë ishte në papafingo, fëmijët kanë lëvizur në shtëpi pa e ditur ngjarjen e rëndë. Fqinjët kanë deklaruar për Top Channel se ata kishin 2 fëmijë të moshave 9 dhe 12 vjeç, dhe nuk kanë dëgjuar për sherre mes tyre. Shqiptari, emri i të cilit ende nuk bëhet me dije është arrestuar, ndërsa hetimet e mëtejshme do të hedhin dritë mbi ngjarjen e rëndë.