Në orët e para të mëngjesit shërbimet policore në autostradën “Milot-Morinë”, pranë “Tunelit të Morinës”, i kanë bërë shenjë një automjeti tip fugon, të ndalojë me qëllim kryerjen e kontrollit. Shtetasi F. L. nuk i është bindur urdhrit për të ndaluar, por është larguar me shpejtësi, ka braktisur automjetin dhe duke përfituar nga kushtet e errësirës, ka mundur të largohet. Gjatë kontrollit në këtë automjet, shërbimet e Policisë kanë konstatuar 18 emigrantë nga Siria, të cilët shtetasi F. L. po i transportonte kundrejt pagesës, në drejtim të Morinës, me qëllim kalimin e paligjshëm të kufirit. specialistët e Seksionit për Hetimin e Trafiqeve të Paligjshme të Kukësit, shpallën në kërkim për veprat penale "Ndihma për kalim të paligjshëm të kufijve" dhe "Mosbindja ndaj urdhërit të punonjësit të policisë së rendit publik", shtetasin F. L., 20 vjeç, banues në Shkodër.