Një sherr mes adoleshentësh në Elbasan ka vënë në alarm policinë. Burime zyrtare bëjnë me dije se rreth orës 22.40 policia është njoftuar se në afërsi të Pallatit të Sportit rreth 10 persona adoleshentë janë konfliktuar ndërmjet njëri-tjetrit. Në konflikt e sipër sipas të dhënave janë larguar me një automjet duke marrë me vete edhe një person pa dëshirën e tij. Në polici ende nuk ka ndonjë kallëzim për rrëmbim personi, por policia po punon për sqarimin e rrethanave dhe ndërkohë ka shtuar masat e sigurisë me pika kontrolli e veprime të tjera. Bëhet fjalë për një mjet tip “Ford”, i cili është larguar ndërsa policia i është vënë në ndjekje.