Shefja ekzekutive e grupit Huawei, Meng Wanzhou është ulur sot në Kinë ashtu si dy kanadezë të liruar dje nga burgu në Pekin, që u kthyen në Calgary të Kanadasë. Marrëveshja e rënies së akuzave nga SHBA i tha fund çështjes që kishte helmuar lidhjet mes vendeve prej tre vjetësh. Meng dhe dy kanadezët, diplomati Michael Kovrig dhe biznesmeni Michael Spavor ishin ndaluar në atë që kritikët quanin "diplomaci pengjesh". Meng Wanzhou u ndalua gati tre vjet më parë në aeroportin e Vancouver me kërkesë të autoriteteve të SHBA. Për rastin ka pasur muaj të tërë negocjatash prapa skene, me drejtues të lartë të kompanisë qe kanë ardhur shpesh në Uashington. Meng është bija e miliarderit Ren Zhengfei, i cili themeloi Huawei në 1987, duke e kthyer në një prej kompanive teknologjike më të mëdha të botës.