Autoritetet në SHBA njoftuan zbulimin e një tuneli të sofistikuar të trafikimit të drogës në Kaliforni, pranë kufirit SHBA-Meksikë. Kalimi nëntokësor i zbuluar në fundjavë është rreth 800 metra i gjatë dhe lidh qytetin meksikan të Tijuana me një magazinë pranë Otay Mesa në San Diego. Tuneli ka gjithashtu sisteme ventilimi dhe mure të përforcuara. Ai gjendet në thellësi rreth se 20 metra dhe është 1.3 metra i gjerë. Si pjesë e aksionit të zbulimit raportohet se u sekuestruan dhe 700 kg kokainë, 80 kg metamfetamina dhe rreth 2 kg heroinë. Gjashtë persona u arrestuan dhe u akuzuan për trafik kokaine e heroine, thanë autoritetet. Zyrtarët thanë se zbulimi u bë pas ndalimit të automjeteve që hynin e dilnin në mënyrë të dyshuse nga magazina dhe një shtëpi pranë saj. “Nuk ka më dritë në fund të narko-tunelit,” tha me ironi prokurori amerikan Randy Grossman. Nuk është ende e qartë sesi është përdorur kalimi nëntokësor por kjo nuk është hera e parë që trafikantët gërmojnë tunele të tilla.