Misioni amerikan në NATO e korigjoi njoftimin që u bë prej aleancës për takimin e Jens Stoltenberg me Albin Kurtin, shefin e Qeverisë të Kosovës. Në shkresën zyrtare të aleancës, nuk përmendej asgjëkundi se Kurti është në krye të ekzekutivit kosovar, kjo deri në momentin kur amerikanët u kujdesën që ta evidentojnë një gjë të tillë kur kur e ripostuan shkrimin në llogarinë e tyre zyrtare. Kurti u takua në Bruksel me sekretarin e përgjithshëm të NATO-s, dhe SHBA-ka e theksoi në njoftimin e saj ai është kryeministër i Republikës së Kosovës. Në shkrim, amerikanet rikonfirmonin mbështetjen për Kosovën dhe rrugën e saj drejt integrimit euro-atlantik. Kurti vetë theksoi pas takimit me Stoltenberg rëndësinë e prezencës së NATO-s në Kosovë dhe shtoi se anëtarësimi i Kosovës në këtë aleancës do ta bënte rajonin dhe Evropën "më të sigurt". “NATO është aleanca më e mirë e sigurisë që bota ka parë. Në takim me sekretarin Stoltenberg theksova se prezenca e saj në Kosovë është e domosdoshme për të mbajtur paqen dhe për të ofruar siguri, dhe anëtarësimi i Kosovës në NATO do ta bënte rajonin dhe Evropën më të sigurt”, tha ai përmes një postimi në Tëitter. Kurti në vizitën e tij të parë në Bruksel, që prej zgjedhjes kryeministër i Kosovës, po ashtu do të marrë pjesë në një seancë të Komisionit për Politikë të Jashtme të Parlamentit Evropian.