Agjencia amerikane DARPA ka shënuar një progres të madh në programin e saj ALIAS (Aircrew Labor In-Cockpit Automation System), pasi për herë të parë ka mundur të realizojë fluturimin e një helikopteri pa pilot. Sipas CNN, bëhet fjalë për helikopterin luftarak UH-60 Black Haëk, i cili ka arritur të fluturojë vetë për 30 minuta, duke i lënë të gjithë të befasuar me këtë teknologji. Hapi i madh vjen 20 vjet pas fillimit të kësaj teknologjie. Agjencia kërkimore ka pasur një sërë projektesh, por vetëm tani mundi të realizojë fluturimin pa pilot të një helikopteri. Është fjala për një mjet “të prodhuar nga zero”, me qëllimin që që të fluturojë vazhdimisht, dhe të është pajisur me teknologjinë nga programi ALIAS – që mundëson fluturime autonome. Teknologjia e quajtur Sikorsky Matricc e lejon helikopterin të fluturojë plotësisht në mënyrë të pavarur apo pa asistentë nga njeriu. Në këtë mënyrë, pilotëve u krijohet mundësia të fokusohen më shumë tek misioni i tyre dhe jo tek funksionet mekanike, ndërsa eskpertët sqarojnë se kombinimi unik i softuerit dhe harduerit autonom e bën fluturimin të sigurtë.