Shtetet e Bashkuara të Amerikës, Bashkimi Europian por edhe fqinjë si Shqipëria, Kosova dhe Serbia kanë uruar zgjedhjen si presidente të profesoreshës së mbështetur nga nacionalistët e VMRO-DPMNE, Gordana Siljanovska-Davkova. Ambasadorja e Shteteve të Bashkuara të Amerikës, Angela Aggeler, e cilësoi historike zgjedhjen e saj si presidentja e parë grua në Republikën e Maqedonisë së Veriut “Shtetet e Bashkuara do të vazhdojnë të mbështesin synimet e qytetarëve për sigurinë, prosperitetin dhe integrimin e plotë euroatlantik të këtij vendi”, thuhet mes të tjerash në mesazhin e ambasadores amerikane. Po ashtu, edhe ambasadori i Bashkimit Evropian në Maqedoninë e Veriut, David Geer, përmes mesazhit të tij për zgjedhjen e Davkovës si Presidente, shpreson në bashkëpunim të ngushtë me të për të ardhmen europiane të Maqedonisë së Veriut. Urimeve i është bashkuar Presidenti I Shqipërisë, Bajram Begaj, i cili e ka përgëzuar duke nesuar në “forcimin e marrëdhënieve tradicionalisht shumë të mira midis vendeve tona mike, sic thotë Begaj si vende anëtare në NATO dhe anëtare të ardhshme në BE, për të cilën shqiptarët në Republikën e Maqedonisë së Veriut mbeten tërësisht të angazhuar”, shkruan Begaj në statusin e tij. Ndërsa Presidentja e Kosovës, Vjosa Osmani u shpreh se “Mezi pret që të punojë me Presidenten e zgjedhur për një angazhim të fortë të përbashkët për integrimin euroatlantik. Një mesazh urimi Presidentes së re të Maqedonisë së Veriut i ka munguar nga Athina zyrtare. Zgjedhja e saj dhe fitorja e nacionalistëve të VMRO-së nuk është parë me sy të mirë dhe është komentuar nga Ministri i Jashtëm i Greqisë, Georgis Gerapetritis, i cili thotë se përballë tyre Greqia është e përgatitur për të gjitha skenaret. Duke shpresuar se nuk do të ketë ndryshime në politikën e jashtme ai kujton se dy vendet duhet të respektojë Marrëveshjen e Prespës, e cila thotë se është një parakusht formal për rrugën e anëtarësimit të Maqedonisë së Veriut në Bashkimin Evropian. Pamjet: AFP