Në nëntokën e një fshati të vogël në Serbi janë zbuluar depozitat më të mëdha të litiumit në Evropë. Por e ardhmja e depozitave minerare të qytezës së Loznica është kthyer në një pikë revolte në Serbi edhe projekti minerar mund të rrisë ndjeshëm ekonomine. “Nuk jemi koshi i plehrave të botës”, thotë një banor i zonës për rrjetin AFP, duke akuzuar qeverinë e Beogradit për abuzime me projektin miliarder me gjigantin Rio Tinto. Mbështetësit e projektit thonë se kjo zonë e varfër serbe pranë kufirit me Bosnien duhet të transformohet në një motor industrial që nxit tranzicionin drejt teknologjisë dixhitale. Por aktivistët mjedisore dhe protestuesit akuzojnë gjigantin anglo-australian Rio Tinto dhe presidentin Vucic për një projekt sekret e arbitrar që refuzon të publikojë pasojat në mjedis. Sot qeveria e Vucic tha se do te terheqe dy ligje per shpronesimet që janë konsideruar si pjese e projektit gjigant të minierave. Litiumi është përbëri kryesor i baterive të teknologjisë së lartë që përdoren sot në celularët dhe mjetet e tjera personale elektrike.