Dymbëdhjetë ditë pas debatit që mund të mbetet në kujtesë si më negativi në historinë e SHBA, presidenti po lufton për mbijetesë politike nën mbikëqyrje të brendshme dhe nga ndërkombëtarët. Samiti i kësaj jave i NATO-s në Uashington mund të jetë rruga e tij drejt shansit të fundit të shpëtimit ose e shfaqjes së fundit, shkruan BBC në një analizë të gjatë. I vendosur për të vazhduar me fushatën, Biden do të presë liderët e aleancës ushtarake me tre ditë takime dhe evente publike, që do të kulmojnë me konferencat e shtypit të enjten. Megjithëse Biden është i aftë të marrëdhëniet ndërkombëtare, kjo nuk largon vëmendjen nga çështja e presidencës dhe paraqitjet e dobëta që kanë sjellë pasoja, shkruan më tej BBC. Një gabim i vogël mund të nisë trazirat mes demokratëve që do të shuanin shpresat e tij për të rikandiduar në zgjedhjet e nëntorit, ose do të shtojë zërat kritikë të evropianëve që shqetësohen për rikthimin e mundshëm të Donald Trump në pushtet. Sipas BBC, liderët evropianë janë të shqetësuar për paqëndrueshmërinë e politikës së jashtme të Trump. Ata shpresojnë që gjatë samitit të shikojnë prova se performanca e tij në debat ishte një rast i veçuar dhe jo ‘normalja e re’. Biden ka theksuar se zgjerimi NATO-s përballë “agresionit rus”, është një nga arritjet e tij më të mëdha. Kjo e dallon atë nga lidershipi i Trump, si dhe nga demokratët që duan zëvendësimin e tij.