Amnistia penale e hyrë në fuqi pesë muaj më parë, do të zbatohet deri në fund të 2025. Gjatë raportimit në komisionin e sigurisë, drejtori I përgjithshëm I burgjeve Klevis Qose tregoi se nga amnistia fituan 1715 të dënuar, nga të cilët 805 u liruan menjëherë. 910 të tjerëve u është ulur dënimi dhe ka si efekt lirimin e tyre në vazhdim. Por nuk ishte amnistia cështja për të cilën kishte pikëpyetje. Diskutimet lidheshin me dronët , mbas dy rasteve të zbuluara në dy burgje të sigurisë Kreu I burgjeve u pyet edhe për vrasjen në burgun e Peqinit, një dosje ende nën hetim. Nga ana tjetër Qose tha se për cdo të dënuar që transferohet në burgjet shqiptare, Britania e madhe I paguan shtetit shqiptar 36 euro në ditë. Por prej nënshkrimit të marrëveshjes për transferimin e të burgosurve shqiptare nga Anglia , Qose shpjegoi se kërkesat janë të pakta.