Studiuesit e NASA-s kanë dalë me një vlerësim të saktë të fuqisë së shpërthimit masiv vullkanik pranë kombit ishullor të Tongas, dhe nuk është aspak e vogël. "Ne kemi dalë në përfundimin se forca e shpërthimit vullkanik ishte sa 10 megaton tritol, ose 500 herë me e fuqishme se bomba bërthamore e lëshuar në Hiroshima të Japonisë në fundin e luftës së dytë botërore, tha James Garvin, kreu i ekipit shkencor në Qendrën e Fluturimeve Hapësinore të NASA-s, Goddard. Shpërthimi u dëgjua deri në Alaskë dhe ishte ndoshta një nga ngjarjet më të zhurmshme që ka ndodhur në Tokë në më shumë se një shekull, sipas Michael Poland, gjeofizikan në Shërbimin Gjeologjik të SHBA."Ky mund të jetë shpërthimi më i zhurmshëm që nga koha kur gjëmoi vullkani indonezian i Krakatau në 1883," tha eksperti. Ai shpërthim gjigand i shekullit të 19-të vrau mijëra njerëz dhe lëshoi aq shumë hi saqë e zhyti pjesën më të madhe të rajonit në errësirë.Në rastin e eventit të fundit, Garvin beson se më e keqja mund të ketë kaluar, të paktën për momentin.