Një pasardhës i dinastisë mbretërore Romanov, e cila ka sunduar Rusinë deri në revolucionin bolshevik, është martuar sot në një ceremoni ekstravagante në Shën Petersburg. Në eventin madhor dy-ditor ne ish-kryeqyetin perandorak, Duka George Mihailovich Romanov po martohet me të fejuarën italiane Victoria Bettarini. Nusja vitin e kaluar ndryshoi emrin në Victoria Romanovna dhe u konvertua në fenë e Kishës ortodokse ruse. Qindra të ftuar nga Rusia dhe bota kanë zbritur në qytet për të dëshmuar martesën e parë mbretërore prej më shumë se një shekulli. “Kjo është shumë e rëndësishme për familjen,” tha dhëndri, që është bir i trashëgimtares të vetë-shpallur të fronit rus, dukeshës Maria e Rusisë. Martesa vjen një shekull pas rënies së dhunshme të Cari Nikola II që u ekzekutua bashkë me familjen nga revolucionarët bolshevikë, duke i dhënë fund sundimit 300 vjecar te Romanovëve ne Rusi.