Princi Andreë është detyruar të heqë dorë nga të gjithë titujt dhe nderimet mbretërore. Vendimi erdhi pas skandalit të vazhdueshëm që lidhet me marrëdhëniet e tij me Jeffrey Epstein. Ish-Duka i York-ut, 65 vjeç, ka konfirmuar nëpërmjet një deklarate zyrtare se nuk do të përdorë më asnjë titull mbretëror, përfshirë edhe atë të Dukës së York-ut, që iu dha nga Mbretëresha Elizabeth II në ditën e dasmës së tij me Sarah Ferguson, më 23 korrik 1986. Po ashtu princi Andreë ka hequr dorë edhe nga posti në Urdhrin e Garter, kalorësia më e lartë në Mbretërinë e Bashkuar. Vendimi u mor pas bisedimeve me Mbretin Charles dhe Princin Ëilliam, në përpjekje për të ruajtur imazhin e monarisë nga skandali i Andreë që kishte marrë vëmendjen prej vitesh. Andreë, sipas The Sun, do të lejohet të vazhdojë të jetojë në Royal Lodge, rezidencën luksoze me 30 dhoma në Ëindsor, të cilën e ka me kontratë deri në vitin 2078. Edhe pse pallati ka kërkuar largimin e tij nga kjo pronë ai ka refuzuar për shkak edhe të kontratës që ka duke e bërë të pamundur dënimin e tij ligjërisht. “Me pajtimin e Madhërisë së Tij, nuk do të përdor më titujt apo nderimet që më janë dhënë. Siç kam thënë më parë, i mohoj me forcë akuzat kundër meje”, thuhet në deklaratën