Rusia kreu një sulm masiv në 14 rajone të Ukrainës, ndërsa Kievi goditi rafineritë ruse të naftës. Një grua u vra në rajonin jugor të Zaporizhias dhe 30 persona u plagosën - përfshirë fëmijë - njoftuan autoritetet. Presidenti ukrainas Volodymyr Zelensky tha se Rusia lëshoi gati 540 dronë dhe 45 raketa dhe kërkoi sanksione të reja ndaj Moskës. Pas sulmit, ministria e mbrojtjes e Rusisë tha se të gjitha "objektivat u arritën". Në rajonin juglindor të Dnipro-petrovskut, zyrtari i lartë Serhiy Lysak raportoi një numër sulmesh ndaj objekteve të infrastrukturës. Kjo ishte nata e dytë radhazi që Dnipro-petrovsk ishte në shënjestër. Më herët këtë javë, Kievi pranoi se ushtria ruse kishte hyrë në rajon. Ndërkohë, ushtria e Ukrainës tha se dronët e saj goditën rafineritë e naftës në Krasnodar dhe Sizran në Rusi gjatë natës. Të dy rafineritë kanë qenë në objektivin e sulmeve edhe më parë. Shefi i shtabit të përgjithshëm të Rusisë, Valery Gerasimov, tha të shtunën se forcat po vazhdonin "ofensivën e tyre të pandërprerë përgjatë pothuajse të gjithë vijës së kontaktit". Sulmet e fundit vijnë teksa ndërkombëtaret po punojnë për të siguruar një marrëveshje paqeje midis dy vendeve. Zelensky tha se sulmet treguan "mosmbajtjen e fjalës" nga Rusia, duke shtuar se e vetmja mënyrë për t'u marrë me Rusinë ishte vendosja e sanksioneve. "Ne presim veprime nga SHBA-të, Evropa dhe e gjithë bota", tha ai.