Rusia ka nisur sot dërgimin e 88 ton ndihmave humanitare për Kubën, pas krizës së koronavirusit dhe asaj ekonomike që ka goditur vendin e Karaibeve. Moska tha se sot u nisën dy avionët e parë ushtarakë të transportit, me urdhër të presidentit Vladimir Putin. "Avionët do të dërgojnë ushqime, pajisje personale mbrojtëse dhe rreth 1 milionë maska mjekësore. Janë në total më shumë se 88 ton," tha ministria e mbrojtjes. Ndërkohë ishulli me 11 milionë banorë është në mes sanksioneve të ashpra nga SHBA dhe një krize ekonomike që ka shkaktuar si rrallëherë protesta popullore. Gjithahtu infektimet dhe vdekjet nga COVID-19, kanë shënuar rritje të konsiderueshme, duke arritur respektivisht në 316,383 e 2,203, sipas shifrave të së premtes.