Ukraina tha se ka vrarë dy agjentë rusë të FSB-së të dyshuar për vrasjen e shefit të operacioneve speciale të vendit. Koloneli Ivan Voronich, kreu i një Qendre të Operacioneve Speciale të inteligjencës së SBU-së, vdiq në vendngjarje pasi një vrasës me pistoletë me silenciator e qëlloi atë në Kiev. Pesë të shtëna u qëlluan drejt tij pasi ai doli nga një bllok banimi. Një burrë dhe një grua u panë më pas duke u larguar nga vendi i ngjarjes. Gruaja e shpallur në kërkim u identifikua më parë nga SBU, shërbimi sekret i Ukrainës, si Narmin Guliyeva, 34 vjeç. Por burri nuk u identifikua menjëherë nga autoritetet ukrainase. "Këtë mëngjes, u krye një operacion special, gjatë të cilit anëtarët e një grupi të FSB-së, në Federatën Ruse, bënë rezistencë dhe si pasojë u eleminuan”, tha SBU në një deklaratë.