Qytetarët sot janë zgjuar me çmimet e naftës 230 lekë/litër që përbën një rekord në historinë e vendit. Çmimi i naftës u rrit me 40 lekë prej mesnatës së djeshme. Ndikimin kryesor mbi këtë çmim e ka krijuar çmimi në bursat ndërkombëtare. Faktori kryesor është lufta në Ukrainë dhe sanksionet ndaj Moskës. Çmimi aktualisht në bursa ka shkuar në 120 dollarë për fuçi, dhe arsyeja është se Rusia, vendi i dyte prodhues ne bote i naftës, nuk lejohet më ta eksportojë atë, sepse anijet pengohen të lëvizin. Dhe janë të paktën 10 milionë fuçi nafte në ditë që dalin nga tregu për shkak të bllokadës.