Virusi i ri i Nipah, i cili u shfaq në janar në Indi ka si burim lakuriqët e natës dhe renditet ndër 10 viruset më të rrezikshme në botë. “Risk i përhapjes në vendin tonë është tepër i ulët, por konsiderohet ndër 10 viruset më të rrezikshme”, shprehet Silva Bino, shefe e departamentit të sëmundjeve të infktive ISHP. Si mund të infektohesh me këtë virus? Bino: Nga sekrecionet e lakuriqëve te natës, nga konsumi i hurmave të palmës, nga kujdesia për kafshët shtëpiake, por edhe nga njeriu tek njeri nëpërmjet kontaktit të ngushtë dhe spërklave. Virusi shkakton sëmundje shumë të rëndë dhe vdekshmëri të lartë deri në 75 % të rasteve. “Fillon me temperaturë, distres, vështirësi në frymëmarrje deri dhe prekje të trurit, encefalit akut, por edhe encefalit që shfaqet shumë pakohë pasi ke kaluar sëmundjen deri në një vit”, shprehet më tej ajo. Rreziku mbetet i ulëte për sa kohë virus nuk qëndron në ajër, por jo për personat që vizitojnë këto vende. “Peronat që shkon ne Indi, Singapor, Bangladesh është mirë të marrin disa këshilla”, thekson Bino. Autoritet shëndetësore sqarojnë se nuk ka vend për panik pasi risku është shumë i ulët.