Top Channel/ Reshjet e shiut në Vlorë, Mamaj: Nuk ka asgjë për tu shqetësuar për 12 orët e ardhshme

Prefekti i qarkut të Vlorës, Flamur Mamaj bën me dije se situata ka qenë me intensitet të lartë të reshjeve por gjendja duket e qetë. Sipas parashikimeve, edhe për 12 orët në vijim nuk ka asgjë për tu shqetësuar ndërsa bën me dije se niveli i Vjosës është në rënie. Ndërsa në urën e Mifolit, niveli i ujit është duke qëndruar në të njëjtat nivele, kjo duke u mbrojtur dhe nga diga mbrojtëse që është ndërtuar. Pika kritike është 7.3 m mbi nivelin e detit por ka shpresa që të mos arrihet deri në ato shifra, por mbetet të shihet çdo gjë me kujdes pasi shirat do të jenë me intensitet të lartë.