12 burra nga Bangladeshi dhe Egjipti që qëndruan për tre ditë në kampin e Gjadrit në Shqipëri, mbërritën në Itali. Ishte vendimi i gjykatës së Romës që i ktheu në territorin italian, ndërsa vuri në pikëpyetje marrëveshjen mes Shqipërisë dhe Italisë për strehimin e tyre. ligji italian parashikon se në Shqipëri mund të strehohen refugjatët e kapur në det nga 22 vende që për ta konsiderohen të sigurta. Në rastin konkret, si Bangladeshi ashtu edhe Egjipti nuk konsiderohen vende të pasigurta, e për këtë arsye, 12 emigrantët duhet të qëndrojnë në Itali. Ky vendim i gjykatës së Romës bazohet në një vendim të datës 4 tetor të Gjykatës Evropiane të Drejtësisë për azil kërkuesit e vendeve të pasigurta. Ky ishte momenti kur mëngjesin e së shtunës anija tjetër italiane Guardia Costiera mbërriti në Shëngjin për të marrë 12 refugjatët e tjerë pas 4 të parëve, 2 minorenë dhe dy të tjerë që shfaqën probleme me shëndetin. Ndërsa pritet të apelohet vendimi i gjykatës së Romës, ministri italian i drejtësisë, Carlo Nordio u shpreh se “ kjo është cështje që i takon politikës dhe nuk është përgjegjësi e magjistratëve”. “Nuk mund të jetë drejtësia që e përkufizon nëse një shtet është më pak apo më shumë i sigurtë,. Mediat italiane sakaq thonë se Kryeministrja Giorgia Meloni nuk tërhiqet, madje javën që vjen, do të nisë një grup tjetër emigrantësh drejt Shqipërisë.