Në imazhet e publikuara nga mediat e forcave rebele Huthi në Jemen, tregohen dronë te përdorur në sulmet ndaj forcave të Arabisë Saudite dhe të Emirateve të Bashkuara. Kohët e fundit goditjet e rënda janë shtuar si nga rebelët e mbështetur nga Irani, ashtu dhe koalicioni pro-amerikan i udhëhequr nga Arabia Saudite. Pas disa sulemve me dron në jug të territorit saudit, forcat e kualicionit qeveritar vranë më shumë se 200 persona në sulmin ajror ndaj një burgu në qytezën veriore rebele Saada. Në një tjetër sulm më në jug, në portin Hodeida, sulmi i koalicionit të Arabisë Saudite la të pakten dhjetë të vdekur, tha grupi monitorues Save the Children. Sulmet erdhën pesë ditë pasi rebelët Houthi kryen një sulm me dron dhe raketa drejt Abu Dhabi ku sipas raportimeve pati viktima. Kombet e Bashkuara ka thënë se konflikti në Jemen u ka marrë jetën të paktën 300 mijë personave gjatë gjashtë viteve të fundit.Vendi i shkatërruar është në një pikë kritike humanitare dhe ka nevojë urgjente për armëpushim. Jemeni është përfshirë nga dhuna dhe kaosi që nga viti 2014, kur rebelët Huthi pushtuan pjesën më të madhe të vendit, përfshirë kryeqytetin Sana. Kriza u përshkallëzua në vitin 2015 kur koalicioni ushtarak i udhëhequr nga sauditët nisi një fushatë shkatërrimtare ajrore që synonte të rikthente territoret.