Në shenjën më të fundit se durimi po soset, kryeministri Edi Rama e shfaqi edhe një herë hapur pakënaqësinë me krerët e shteteve të BE-së, të cilët në një intervistë ekskluzive për gazetën gjermane Bild, i akuzon se po bllokojnë pranimin e Shqipërisë dhe Maqedonisë së Veriut. Rama deklaroi se “BE-ja ka shkelur premtime e po con drejt një përcarjeje mes popujve të Ballkanit me ‘cinizëm politik’. Si në historinë “Në pritje të Godosë”, thotë kryeministri; vetëm flitet, por asgjë nuk ndodh!” Kjo ka qenë një ambicje e shumëdëshiruar nga kombet tona, Shqipëria dhe Maqedonia e Veriut për t’u bashkuar me bllokun europian dhe kështu t’u mundësojnë qytetarëve tanë të përfitojnë nga një treg i lirë e të marrin pjesë në këtë demokraci të madhe. Me lejoni të bëj të qartë një gjë: si Kryeministër i Shqipërisë, unë e pranoj plotësisht se ne nuk jemi gati të anëtarësohemi në Bashkimin Evropian sot, ashtu sic nuk është as Maqedonia e Veriut e as pjesa tjetër e Ballkanit Perëndimor. Ka shumë kërkesa që duhet të plotësojmë për t`u bërë vend anëtar. Por dy kombet tona, Shqipëria dhe Maqedonia e Veriut, kanë përmbushur të gjitha kushtet e nevojshme për të filluar me të vërtetë procesin e negociatave me Brukselin, dhe më shumë madje Një fillim i tillë i negociatave u vendos gjithashtu nga vetë Këshilli i BE në 2018”, ka thënë Rama. Kur komisioni europian i kërkoi Tiranës e Shkupit implementimin e reformave të caktuara përpara se të mund të nisnin negocjatat, ne e bëmë. Disa prej tyre si reforma në drejtësi në Shqipëri janë të paprecedent për një vend që ende nuk ka hyrë në procesin e negocjatave. Por ne arritëm progres dhe KE-ja e njohu plotësisht angazhimin tonë dhe arritjet tona të jashtëzakonshme në disa raste, u shpreh ai, duke shtuar se vetëm procesi integrimit “ na krijon mundësinë për të krijuar bazën e nevojshme për farkëtimin e konsensusit politik që është thelbësor për të ardhmen e vendit.