Top Channel/Rama inspekton punimet e shkollave në Shijak:Gati për 550 nxënës që rikthehen në shtator

Kreu i qeverisë, Edi Rama ndodhej këtë të hënë në Shijak, për të inspektuar nga afër punimet që janë kryer në shkollat “Lidhja e Prizrenit” dhe “Petrit Llaftiu”. Në të dija shkollat kanë përfunduar punimet dhe tashmë janë gati për të pritur sezonin e ardhshëm, për 550 nxënës të cilët do të rikthehen në shtator në bankat e shkollave. “Shijak – Aty ku shkollat “Lidhja e Prizrenit” dhe “Petrit Llaftiu” kanë rilindur më të mëdha, më të forta e më të bukura, për 550 nxënës që do të rikthehen në shtator”, shkruan kryeministri krahas videos së publikuar.