Policia federale e Brazilit tha sot se ka sekuestruar pesë ton kokainë, të fshehura në kuti sapuni që pritej të niseshin nga porti i Rio de Janeiro drejt Mozambikut. Zbulimi u bë mëngjesin e të mërkurës dhe është kapja më e madhe e drogave në historinë e Rio de Janeiro, dhe nga më të mëdhatë në Brazil. “Me ndihmën e qenve të zbulimit të drogave u zbulua masa e madhe e narkotikëve brenda portit”, shkruanin autoritetet. “Fillimisht u zbuluan 4.3 ton në një konteiner me kuti sapuni pluhur, dhe më pas dhe 700 kg të tjera në një tjetër konteiner”. “Destinacini i tyre ishte Mozambiku në Afrikë”, thanë zyrtarët duke shtuar se po hetojnë për identifikimin e përgjegjësve. Ndërsa në dhjetor 2020, policia kapi 2.5 ton kokainë në zonën metropolitane të Rio, që ishte sekuestrimi më i madh i drogave në këtë shtet brazilian.