Dritat dekorative të sezonit të Krishtlindjeve u ndezën sot në rrugët kryesore të qendrës së Londrës. Dizajni i dekorimeve të sivjetshme ishte disi më i sofistikuar, me motive të animuara dhe inovative të shfaqjeve. Plaku dhe pemët e Krishtlindjeve dominonin pamjen në rrugët e mbushura për sezonin e blerjeve. Qindra mijëra drita vezulluese ishin instaluar në ekranet për krijimin e atmosferës festive, ku përfshiheshin imazhe të personazheve të përrallave dhe fluturave me efekte 3Dimensionale. Dekorimet bujare të kryeqytetit sinjalizojnë se qeveria është e kënaqur me sjelljen e qytetarëve të saj dhe valën e imunizimeve nga sëmundja. Por Londra ka qenë gjithashtu skenë e protestave të ashpra kundër vaksinimeve të detyruara dhe mbetet për t’u parë nëse do të ketë kufizime surprizë për periudhën festive.