I rrethuar me mister e gojëdhana demonësh, Pusi i Barhout në lindje të Jemenit -- i njohur gjithashtu si "Pusi i Ferrit" -- është një mrekulli natyrore pak e kuptuar. Më afër kufirit me Omanin sesa me kryeqytetin jemenit Sanaa 1,300 kilometra larg, gropa gjigande në shkretëtirën e Al-Mahra është 30 metra e gjerë dhe besohet se është 100 deri në 250 metra e thellë. Gojëdhanat vendase thonë se gropa natyrale u krijua si një burg për demonët, një reputacion që është nxitur dhe nga erërat e këqija që dalin nga thellësitë e saj. Zyrtarët në Jemen thonë se nuk e dinë se çfarë ka brenda saj. "Është shumë e thellë, nuk kemi arritur ndonjëherë në fund të saj pasi nuk ka oksigjen dhe as ventilim”, tregon Salah Babhair, drejtor i gjeologjisë e minierave në Mahra”. "Kemi hyrë në pus deri në 50-60 metra thellësi, brenda kishte gjëra të çuditshme, erëra të çuditshme, është një situatë misterioze”.