Programi qeverisës i socialistëve në mandatin e tretë për katër vitet e ardhshme mbështetet në 5 kolona. Rimëkëmbje e ekonomisë, Mirëqenie për të gjithë, Modernizim për zhvillim, Familja dhe Shqipëri e fortë. Socialistët angazhohen që deri në fund të pranverës 2022 nuk do të ketë më asnjë gjurmë të tërmetit duke investuar 60 miliardë lekë për tre vite. Synohet përfundimi 4500 banesa të reja individuale, 12 mijë apartamente përfshi përfundimin e rehabilitimin dhe ndërtimin e 160 çerdheve, kopshteve, shkollave e konvikteve. Rilindja Urbane nëpër fshatra do të thellohet e zhvillohet më tej në mandatin e trete . Synohet që përmes saj te zhvillohet fshati duke investuar më shumë në infrastrukturë, shërbime shëndetësore e arsimore, përfshi agro-përpunimin, turizmit dhe mjedisin. Ambicia qeverisë së re është dhënia fund e procesit 30-vjeçar të ndërtimeve pa leje brenda vitit 2022, ku asnjë banesë shqiptare që mund të legalizohet, nuk do të ketë mbetur pa u legalizuar. Digjitalizim të gjitha shërbimeve për pronësinë. Përfundim të procesin e regjistrimit fillestar të pasurive në të gjithë zonat kadastrale të bregdet përfshi dixhitalizimin e kadastrës duke e kthyer shërbimin kadastror një shërbim të aksesueshëm përmes e-albania.