Presidenti rus Vladimir Putin ka pritur sot homologun e tij turk Rexhep Tajip Erdogan në rezortin e Detit të Zi, Soçi. Dy lideret diskutuan për frenimin e dhunës së ripërtërirë në veriperëndim të Sirisë dhe për zgjerimin e mundshëm të marrëveshjes për blerjen nga Ankaraja të sistemit rus të mbrojtjes raketore. Erdogan i tha Putinit se dëshironte të zgjerojë bashkëpunimin e në fushën e mbrojtjes, pavarësisht kundërshtimeve të SHBA. “Në Asamblenë e Përgjithshme të OKB na pyetën veçanërisht për çështje të caktuara, por ne u përgjigjem se nuk është e mundur që të kthehemi prapa nga veprimet që kemi marrë”, tha Erdogan. “Unë veçanërisht besoj se është me rëndësi që të vazhdojmë në forcimin e lidhjeve Turqi-Rusi”, i tha Erdogan, Putinit. Turqia bleu sistemin rus të mbrojtjes raketore S-400 në vitin 2019, duke nxitur kështu sanksione nga SHBA kundër sektorit të mbrojtjes turke. Autoritetet amerikane kanë paralajmëruar për më shumë veprime kundër Turqisë nëse blen vazhdon me blerjen e pajisjeve.