Presidenti kroat Zoran Milanovic i hodhi poshtë shkrimet e mediave serbe sipas të cilave ai i ka ofruar garanci Hagës q ëish kreu i shtetit të Kosovës, Hashimi Thaçi të mbrohet në liri. Thaçi po akuzohet për krime lufte dhe krime kundër njerëzimit nga Dhomat e Specializuara dhe Zyra e Prokurorit të Specializuar. "Kjo është e pamundur, nuk mund të jap një garanci të tillë sepse kjo nuk është kompetencë e imja”, deklaroi Milanovic. Ai theksoi megjithatë se i qëndron bindjes së vet se aktakuza kundër Thaçit është një mënyrë për të dështuar rajonin. “ Unë nuk jam armik i serbëve, por thjesht mendoj se kjo është e dëmshme. Thaçi duhet dashur të ishte akuzuar ose të lihej i qetë, sepse ekmi parë sesi disa njerëz nga Beogradi kanë kaluar lehtë të paprekur”, u shpreh ai. Milanovic shtoi se Thaçi ka të ngjarë të arrijë pleqërinë para gjykatës, për shkak të akuzave "të paprovuara" në raportin e Këshillit të Evropës, lidhur me pretendimin për trafikimit të organeve. Gjykata Speciale në Hagës për hetimin e krimeve të kryera gjatë luftës së Kosovës e konfirmoi tetorin e vitit të kaluar aktakuzën ndaj Thaçit, Kadri Veselit, Rexhep Selimit dhe Jakup Krasniqit, nën dyshime për kryerjen e krimeve të luftës në Kosovë në 1998 dhe 1999. Të gjithë ata janë në paraburgim në Hagë që nga nëntori i vitit të kaluar.