Reagime të shumta ka shkaktuar tek qarqet politike greke një artikull i portalit europian «Politico» që titullohet Greqia - vendi që i lejon njerëzit t'i shpëtojnë drejtësisë. Mbulimet e disa skandaleve , hetimet e dështuara dhe ndjenja e përgjithshme e mosndëshkimit kanë bërë këmbanat e alarmit të dëgjohen më tepër thotë «Politico» në artikullin e saj për Greqinë duke shtuar se në vendin ku ka lindur Demokracia , ka një ndjenjë të kalbjes së saj. Konkretisht portali ju referohet vendimeve apo procesit të drejtësisë për tre raste të ngjarjeve madhore që tronditën vendin : tragjedia e përplajses së trenave në Tempi me 57 të vdekur, mbytja e anijes në Pylos ku nga gati 750 emigrantë u gjetën vetëm trupat e 82 të mbyturve dhe rasti i përgjimeve të politikanëve e gazetarëve , i ashtuquajturi «Predatorgate». “Greqia ka përjetuar një sërë skandalesh që, edhe pse të gjitha të ndryshme, japin ndjesinë se sistemi i drejtësisë është në kolaps dhe pushtetarët nuk duan të rregullojnë asgjë. Ose edhe më keq, ata janë fajtorë”, thuhet në artikull. I pyetur në konferenën e fundit për shtyp, zëdhënësi i qeverisë ka theksuar :