Oficerë meksikanë të armatosur rëndë, qëndronin sot roje në kampin masiv të improvizuar te emigrantëve ne Ciudad Acuna. Autoritetet meksikane i kanë kërkuar emigrantëve të ardhur ne qytet, te kthehen në vendet ku kanë dorëzuar fillimisht dokumentet e azilit por kriza kufitare Meksikë-SHBA nuk tregon shenja zbutjeje. Mijëra emigrantë haitianë kanë vërshuar prej javësh në kampin nën urën që ndan Del Rio në Texas nga qyteza meksikane e Ciudad Acuña, duke krijuar nje emergjencë kufitare dhe humanitare. Zyrtarët kufitarë të SHBA kanë thënë se nuk kanë kohë apo hapësirë për të testuar e proceduar emigrantët. Shumica e emigrantëve nga Haiti shpresojnë të qëndrojnë në Shtetet e Bashkuara, pas tërmetit shkatërrimtar dhe trazirave politike në vend. Kryebashkiaku meksikan tha se përveç atyre nën urë, rreth 2,000-3,000 emigrante mbahen në qendrat kufitare të procedurave në SHBA.