Policia e Kosovës sekuestroi miliona dinarë, disa mijëra dollarë, euro dhe franga, si dhe dokumente të ndryshme në dy institucione financiare serbe në Leposavic, qytet me shumicë serbe në veri të vendit. Në një njoftim të saj, u shpjegua se janë kryer kontrolle në dy objekte të zonës pas dyshimeve se institucione financiare atje ishin përfshirë në pastrim parash e dyshohen për shpërdorime. Gjatë bastisjes janë sekuestruar edhe disa vula dhe dokumente të ndryshme që dëshmojnë, sipas forcave të rendit, aktivitetin jo të ligjshëm të këtyre institucioneve”. Aksioni i fundit lidhet me ndërhyrjen e muajit maj në katër komunat me shumicë serbe në Kosovë, në Mitrovicën e Veriut, Zveçan, Leposavic dhe Zubin Potok, kur autoritetet kosovare mbyllën gjashtë objekte të Bankës së Kursimeve të Postës dhe Bankës Popullore të Serbisë. Edhe gjatë atij aksioni, për të cilën autoritetet në Prishtinë po ashtu pohuan se kishte të bënte me vendosjen "e rendit dhe ligjshmërisë", ishin konfiskuan prova të ndryshme, përfshirë para. Përpara këtyre lëvizjeve, Kosova ngjalli sakaq diskutime të ashpra dhe pakënaqësinë e ndërkombëtarëve me vendimin e Bankës Qendrore për vendosjen e një rregulloreje të re, e cila nga 1 shkurti ndaloi përdorimin e dinarit serb për kryerjen e pagesave, ndërsa parashikonte euron si monedhën e vetme për këtë qëllim, cka u kundërshtua me forcë nga Beogradi.