Dhjetra oficer policie në Kosta Rika po kundërshtojnë vendimin e qeverisë për reduktimin e orëve të pushimit. Në grupe të vogla, agjentët pasi lanë detyrën bllokuan mbrëmjen e të enjtes disa rrugë të kryeqytetit San Jose, ndërsa e cilësuan vendimin e presidentit Rodrigo Chaves si të gabuar. Kreu I shtetit, njoftoi të mërkurën se të gjithë efektivët me uniforma që punojnë 6 ditë do të kenë pushim katër ditë nga gjashtë që kishin. Masat, për reduktimin e ditëve të pushimit kanë ardhur, tha Presidenti, si rrjedhojë e rritjes së numrit të vrasjeve që po ndodhin çdo ditë në rrugwt e Kosta Rikws. Por sindikata e kundërshton këtë argument të kreut tw shtetit, me argumentin se po cënohen të drejtat e punonjësve të policisë. Lidhur me protestat, Ministri i Sigurisë Publike, Jorge Torres, iu kërkoi protestuesve që të tërhiqen pasi situata siaps tij do të jetë thjesht e përkohshme. Ndërkohë opozita e cilësoi rastin si të pazakontë ndërsa akuzoi Presidentin për veprime të pamenduara dhe të pabazuara në ligj. Sipas Agjencisë së Hetimit Gjyqësor, në vitin 2022 Kosta Rika regjistroi numrin e saj më të lartë të vrasjeve, me një total prej 656 viktimash. Statistikë kjo që e rriti shkallën e vdekjeve të dhunshme në 12.6 për 100,000 banorë, nga 11.4 që ishte në 2021. Pamjet: AFP