Pas një viti e gjysmë, fushat e plehrave në jugun e Italisë do të mbushen plot, ndërkohë që për veriun e vendit, duhen ende edhe 4 apo 5 vjet që të mbërrihet pika e ngopjes. Shumë shpejt, nuk do të ketë më vend për miliona tonelata mbeturina që hedhin përvit italianët. Këtë tregoi një studim i fundit, i cili, duke u mbështetur në udhëzimet e Bashkimit Europian, llogarit që deri në 2035-tën duhen ricikluar 65% e plehrave. Hedhja e tyre nëpër fusha, nuk duhet të kapërcejë 10%. Në Itali prej kohësh, malet me plehra janë djegur neper cepa rrugësh. Problemi i plehrave e ka pllakosur ptrej vitesh jugun e vendit, ku deri përpara një dekade ricikloheshin vetëm 8% e plehërave. Shpesh pas tyre fshihen bosët e mafias e Camorrës, të cilët më pas marrin një shpërblim të majmë për punën e kryer. Përmirësimi i menaxhimit të mbjetjeve mund të ketë përfitime të mëdha mjedisore. Studimi tregon se reduktimi i tyre do të eleminonte 3,7 milione tonelata emetimesh të dioksidit të karbonit. Pamjet: AFP