“Siguria dhe mirëqënia në arsimin bazë”, është peticioni i iniciuar nga sociologia Marsi Simo, e cila është prind i një djali që ndjek arsimin fillor. Nisur nga përvoja personale ka hartuar një sërë kërkesash në rang kombëtar që shkolla ti përgjigjet nevojave emocionale, akademike, sociale dhe fizike të nxënësve. Të shqetësuar për të ardhmen e fëmijëve, peticionin e kanë nënshkruar elektronikisht rreth 600 prindër. “ Sigurinë në shkolla kjo është pika e parë e këtij peticioni. Që do të thotë kontrolle më të rrepta për sa i përket fëmijëve që nga cikli bazë. Në si prindër do të ndiheshim më të sigurtë, por nuk është vetëm çështje fizike. Sigurisht kur flasim për siguri, flasim edhe për bullizëm, që do të thotë më tepër praktika të cilat do të jenë aktivitete trajnime më të mirëfillta nga mësues, por edhe nga specialistët siç është edhe psikologu . Mos të arrijën deri në fazën e rehabilitimit nga bullizmi por në kushte prandalimi.” Me në fokus arsimin bazë, peticioni synon të sjell ndryshim në ngarkesat mësimore të nxënësve, që të kombinohet edhe me kohë për lojëra dhe aktivite sociale duke kërkuar zgjatjen e orarit mësimor brenda mjediseve mësimore.