Top Channel/ “Përse i shtrohet qilim i kuq Vucicit”, zyrtari: “Duhet politikë e re për Ballkanin”!

Ish-Përfaqësuesi i Lartë i BE-së për Bosnje-Hercegovinën, Christian Schëarz-Schilling thotë se nevojitet një politikë e re për Ballkanin Perëndimor. Kur Derek Chollet, këshilltar në Departamentin Amerikan të Shtetit dhe Gabriel Escobar, i ngarkuar i posaçëm për Ballkanin Perëndimor ishin ftuar në Komisionin e Politikës së Jashtme në senatin amerikan, FRC për të folur për politikën e SHBA në Ballkanin Perëndimor. Në 18 maj, ata shmangën përgjigjet konkrete dhe informacionet e detajuara. Në shkrimin e tij për DË, Schwarz-Schilling ngre pyetjen se përse është zgjedhur Aleksandar Vuçic si “burr ii fortë” i rajonit, e përse i shtrohet tapeti i kuq Serbisë që me politikën e saj etnonacionaliste, - të gjithë serbët në një shtet - është një nga shkaktaret më të kryesore të konflikteve në ish-Jugosllavi. Amerikanët kërkojnë një zgjidhje pragmatike, shton ai. Rusia, Kina, Tajvani - të gjitha këto vende kanë një fokus më të madh në politikën botërore se Ballkani. Por kjo nuk është arsye për të mbështetur një politikë hegjemoniste në rajonin e Ballkanit Perëndimor, për të krijuar marrëdhënie të reja pushteti dhe për këtë të sakrifikohen vende si Bosnje-Hercegovina, Mali i Zi apo Kosova. Sa për BE-në, shkruan se ajo ndjek verbërisht SHBA-në. Schëarz-Schilling nënvizon edhe një herë se ndërkombëtarët duhet të ndryshojnë sipas tij, linjën e ndjekur në raport me Ballkanin Perëndimor e t`i japin prioritet një politike tjetër ku ka pasojë për përgjegjësit, e ku dëgjohen viktimat.