Izraeli hapi përsëri zjarr mbi pozicionet e paqeruajtësve të OKB-së në Libanin jugor, duke plagosur dy të tjerë pasditen e së premtes. Në njërën prej këtyre bazave është vendosur kontingjenti italian, i cili megjithatë ka deklaruar se “Nuk do ti braktisë bazat”. Ushtria izraelite reagoi duke thënë se "Ishte një gabim", por kjo nuk qetësoi Melonin. Në samitin Med9 në Pafos, Xhorxha Meloni u bashkua me Emmanuel Macron dhe Pedro Sanchez për të dënuar sulmet e ushtrisë izraelite ndaj trupave të OKB-së në Liban. “Është e papranueshme dhe nuk duhet të ndodhë më kurrë”, ishte paralajmërimi i nisur unison nga krerët e Italisë, Francës dhe Spanjës, i shkruar në një deklaratë të përbashkët. I ashpër ishte edhe presidenti amerikan Joe Biden, i cili tha se “Izraeli nuk duhet të godasë më forcat OKB”. Të enjten, Izraeli kishte goditur tre baza të misionit paqeruajtës të OKB, dy prej të cilëve ishin italianë, duke shkaktuar dy të plagosur.