Per një pasagjer dhe dy mijë lekë të vjetra, një person humbi jeten ndersa tjetri perfundoi në burg. Gjithcka nisi pas një debati mes dy shofereve se kush do të merrte i pari një pasagjer. Perplasja verbale e 5 Shtatorit, vazhdoi me perleshje fizike mes Cen Seles dhe Dedush Gjonit, te dy drejtues furgonesh të linjes Shkoder - Velipojë. Si pasoje e plageve të marra, ky i fundit perfundoi në spital në gjendje të rende ndersa 1 jave me pas nderroi jetë. Të dy shoferet, banues në Velipoje prej vitesh ofronin sherbimin e transportit nga Shkodra drejt plazhit por pa një license si taxi. Koleget e tyre jashtë kamerave thonë se perplasjet janë të vazhdueshme mes të gjithe drejtuesve të furgoneve sepse nuk ka asnjë rregull dhe nuk zbatohet ligji. Nderkohe pas perplasjes fizike policia e Shkodres arrestoi autorin Cen Sela të cilit pas kontrollit të banesës, uniformat blu, kanë gjetur dhe sekuestruar një armë zjarri pistoletë dhe municion luftarak, të cilat 63 vjeçari i mbante pa leje. Edhe me heret mes drejtuesve te automjeteve që ofrojne sherbimin taksi në Shkoder në të zeze, ka patur perplasje deri në plagosje.