Raketa balistike e lëshuar nga Koreja e Veriut mbi Japoni është cilësuar si “kërcënimi i parë bërthamor i Kim Jong Un-it”. Raketa udhëtoi rreth 4.500 kilometra, para se të binte në Oqeanin Paqësor, një largësi kjo e mjaftueshme për të goditur rajonin amerikan të Guamit nëse do të merrte trajektore tjetër. Kjo është hera e parë, prej vitit 2017, që një raketë verikoreane udhëton mbi Japoni. Episodi ngjalli frikë në kryeqytetin japonez, Tokio, ku bëri që të bien sirenat dhe banorët të ftohen për të hyrë nëpër strehime.