Pelegrinë indianë Sikh kalonin sot kufirin për në Pakistan me anë të korridorit Kartarpur, për të vizituar tempullin e themeluesit të fesë së tyre Guru Nanak, i cili vdiq 1539. Ministri i brendshëm indian Amit Shah tha se korridori i kalimit është hapur për festën e ditëlindjes së Nanak të premten. Korridori i kalimit pa vizë mes dy vendeve është hapur vetëm në vitin 2019 për ditëlindjen e 550 të themeluesit por ishte mbyllur vitin e kaluar prej pandemisë. Burimet në Pakistan thonin se korridori nuk ishte mbyllur kurrë nga ana e tyre dhe se po prisnin konfirmimin nga pala indiane për ardhjen e pelegrinëve. Kupola e bardhë e tempullit të Kartarpur, katër kilometra në brendesi të territorit të Pakistanit, nuk vizitohej më parë nga indianët prej marrëdhënieve të prishura mes vendeve. Kur Pakistani u nda nga India në fund të sundimit britnaik në 1947, Kartarpur përfundoi në anën pakistaneze edhe pse shumica e besimtarëve Sikhs mbetën në anën tjetër.